Premios Luis Tilve.
Premiados 2006

TRABALLO DIGNO:
Ao Comité de Empresa de Sargadelos, polos acordos conseguidos coa dirección desta empresa, no relativo a traballo fixo e medidas para a conciliación da vida laboral e familiar, así como por ter 127 persoas empregadas, das que tan só dúas teñen contrato temporal, de tal maneira que o 98,5% son contratos fixos.

ACCIÓN SOLIDARIA:
A Antonio Vilar Perón e a Fernando Andrés Wonemburger García. Ao primeiro, polo salvamento dun percebeiro cando se afogaba no mar o 13 de febreiro do 2006, na zona coñecida como As Amorosas, moi cerca do “Acuarium Finisterrae” na costa coruñesa, e ao segundo, polo salvamento dun neno de cinco anos, ao rescatalo dun incendio orixinado nunha vivenda do barrio coruñés de Os Castros o 22 de decembro do 2005.

DEFENSA DO MEDIOAMBENTE E DOS BENS COMÚNS:
Ao proxecto “Recuperación do entorno arquitectónico e natural do Santuario da Escravitude”, en Padrón (A Coruña), promovido pola Fundación Paideia Galicia, pola rehabilitación arquitectónica e medioambiental, transformando un entorno desaproveitado e en degradación nun espazo de calidade que aumenta o atractivo turístico da comarca do Sar, contribuíndo a súa reactivación económica e social.