Premios Luis Tilve.
Premiados 2015
O premio Traballo Digno desta edición é outorgado a Balbino Gómez Rodríguez e Begoña Pardellas, que posúen unha explotación agraria familiar en Guntín (Lugo), pola súa continua defensa do agro galego, como se pode comprobar tamén pola súa participación en tódalas mobilizacións que tiveron lugar ó longo destes anos, impulsando, con sumo esforzo, a súa explotación a pesares das dificultades que atravesa o campo galego.
O premio Acción Solidaria outórgase á Asociación Rede de mulleres veciñais contra os malos tratos de Vigo, pola súa acción permanente na defensa dos dereitos da muller.
O premio Defensa do Medio Ambiente e dos Bens Comúns, recaeu no Proxecto ESMELLE, polo seu traballo para a recuperación do Patrimonio da parroquia de San Xoán de Esmelle, en Ferrol, a partir da coordinación do esforzo dos veciños.
O premio Investigación e Divulgación Histórica, recalou no economísta Xaime Barreiro Gil polo seu traballo “As raiceiras do cooperativismo agrario en Galicia”.
