PROXECTOS E INVESTIGACIÓNS

Un dos principais obxectivos da Fundación é o de realizar estudos e investigacións que contribúan a recuperar a historia do movemento obreiro e a afondar no coñecemento do mundo do traballo, fomentando a cooperación entre profesionais e a colaboración coas universidades e outras entidades.
Dende a súa creación, numerosos historiadores, economistas, sociólogos, bibliotecarios, arquiveiros, xornalistas e investigadores doutros campos da ciencia e das humanidades, veñen contribuíndo, tanto con traballos propios como en proxectos da Fundación, a alcanzar este obxectivo.

Grazas a estas investigacións, ademais de dar lugar a numerosas publicacións, puido elaborarse un Dicionario Biográfico do movemento obreiro socialista galego, así como se recupera tamén moito material documental de valor que enriquece os fondos do noso Arquivo con escritos orixinais de Pablo Iglesias, Francisco Largo Caballero, Heraclio Botana, ademais de prensa obreira e outros documentos, ós que se suma moito material dixitalizado.

Entre as institucións que teñen asinado un convenio coa Fundación ou que veñen colaborando con ela nestes traballos están: a Universidade de Santiago de Compostela, a Universidade de Vigo, o Consello da Cultura Galega, a Radio Televisión de Galicia, o Museo do Pobo Galego, a Fundación Francisco Largo Caballero, a Fundación Pablo Iglesias, Escola Viva, Fuco Buxán, a Fundación Érguete, o Seminario Galego de Educación para a Paz, a Iniciativa Galega pola Memoria, e un longo etc., ós que agradecemos enormemente a súa disposición e apoio.

Proxectos

Mantente ao día!

Recibe toda a información das nosas actividades, novidades editoriais ou da nosa revista CLARIDADE actualizada e ao día.

Accede ás nosas redes sociais

Coa colaboración de: